Многу возачи, соочени со високите цени на горивата, возат со прениски вртежи со желба да заштедат некое количество гориво, не знаејќи дека можат да му направат голема штета на моторот.

a-gauge-tachometer-rpm-HD-WallpaperВозењето со прениски вртежи на моторот го намалува подмачкувањето и ладењето, ги зголемува вибрациите и го намалува работниот век на моторот. Оваа појава е особено штетна кај големите оптоварувања – при угорнина и кај забрзување, односно при преоптоварен автомобил, каде е многу подобро да се вози со високи вртежи на моторот.

Кај бензинците најповолно подрачје е помеѓу 2.000 и 4.000в/мин, а кај дизелашите помеѓу 1.700 и 3.000в/мин. Тогаш моторот најдобро влече и најмалку троши, оптоварувањето е најмало и имаме оптимално подмачкување и ладење.

2010_mazda3_12Исто така, треба да се избегнува нагло притискање на педалата за гас на ниски вртежи. Во таа ситуација, во моторот се создава дебаланс и заради недоволниот хидродинамички притисок маслениот филм пука и доаѓа до суво триење, се зголемува абењето, а целата ситуација ја влошуваат вибрациите.

Значи, може да се вози со ниски вртежи на моторот само ако автомобилот „крстосува“ на рамен пат и удолница и доколку не е потполно оптоварен. Доколку сакаме нагло да забрзаме или наидува угорнина, тогаш задолжително префрлуваме во понизок степен на пренос.

Повеќе вести од денес тука.

Comments

comments

Сподели.


За Авторот

Коментарите се затворени.